Рускиот претседател Владимир Путин изјави дека не е изненаден од „скандалозното“ интервју на американскиот лидер Џо Бајден.
„Во текот на мојата кариера, навикнав на секакви напади од сите страни и под секакви изговори, од различен калибар и јачина, и ништо од тоа не ме изненадува“, рече рускиот претседател, одговарајќи на прашање за неговиот став кон изјавата на Бајден.
Путин додаде дека, иако употребата на вакви етикети стана вообичаена во американската политичка култура, веројатно под влијание на Холивуд, тоа не изгледа нормално во Русија.
„Не сакам да звучам грубо, но тоа ме потсетува на лошо варење, вербални проблеми со дигестијата“, рече рускиот лидер, реагирајќи набројувањето луѓе за чија смрт многу западни медиуми се обидуваат да ја обвинат Русија.
Рускиот лидер изјави дека „претседателот Бајден секако е многу поразличен од Трамп“.
Путин изјави дека Бајден е кариерен политичар.
„Сè уште сметам дека поранешниот претседател на Соединетите Американски Држави, г-дин Трамп, е извонредна личност, талентирана личност, во спротивно тој немаше да стане претседател на САД“, прецизира Путин, додавајќи дека Трамп е „голема личност“.
„И покрај тоа што не припаѓаше на американскиот естаблишмент, тој порано не беше дел од големата политика, а на некои им се допаѓа, на некои не им се допаѓа, но тоа е факт“, рече Путин.
Што се однесува до Џо Бајден, Путин рече дека сегашниот домаќин на Белата куќа „е радикално различен од Трамп, бидејќи претседателот Бајден е кариерен политичар. Тој всушност се занимава со политика цел живот“, забележа рускиот претседател.
Путин призна дека Бајден може да има „некои предности и некои недостатоци“ и изрази надеж дека сегашниот претседател на Соединетите Американски Држави „нема да преземе импулсивни чекори“.
