Претседателот на Русија има поинаков став од оној за слободата на изразување кој е на сила во Франција.
Русија уште од 2013 година има закон кој ги брани верските чувства. Владимир Путин во видео-конференција која ја одржа со сите руски верски лидери побара и другите држави членки на Обединетите Нации да усвојат таков закон со кој ќе се забрани таканаречената француска слобода на изразување со која се навредуваат религиите.
„Мора да се размисли околу тоа. Тоа е навистина добра иницијатива и не разбирам како било кој би се спротивставил на забраната за навреди кон религиските верници“, рече Путин.
„Би било добро и доколку и други членки на ОН исто така донесат закон со кој се гарантираат чувствата на верниците“, додаде тој.
Ова доаѓа по неодамнешните терористички напади во Франција инспирирани од цртежите на пророкот Мухамед.