Рускиот претседател Владимир Путин му го врачи новиот руски пасош на американскиот актер Стивен Сигал. По српскиот пасош и руското државјанство, Сигал конечно доби и руска патна исправа.
На церемонијата во Кремљ, Путин рече дека се надева дека ова ќе служи како симбол на подобрување на кршливите врски меѓу Москва и Вашингтон, пишува Business Insider.
Во последните две години односите меѓу Русија и Вашингтон го достигнаа најлошото ниво уште од времето на Студената војна, како резултат на вооружените конфликти во Украина и Сирија, каде двете земји заземаа спротивни страни. По изборот на Доналд Трамп за иден американски претседател Путин изјави надеж дека односите ќе се подобрат.