Портпаролот на рускиот претседател Дмитри Песков изјави дека Владимир Путин наскоро планира да ги посети окупираните територии на Украина.
„Путин наскоро ќе го посети Донбас“, ја цитира ТАСС изјавата на Песков.
Кремљ не соопшти никакви детали за посетата, поточно потенцијален датум.
Песков рече и дека „регрутирањето во Русија е завршено“, а руските власти нема да дадат никакви дополнителни информации во врска со тоа.
Да потсетиме, Путин на 30 септември потпиша указ во Кремљ во кој се наведува дека регионите Херсон, Запорожје, Доњецк и Луганск ќе станат дел од Руската Федерација.
Во средината на ноември, Украинците успеаја да го ослободат Херсон и да ги принудат руските сили да се повлечат.