Рускиот претседател Владимир Путин, зборувајќи со чаша шампањ в рака, изјави дека неговата земја ќе продолжи со нападите врз енергетската инфраструктура на Украина, која веќе предизвика прекин на струја и вода.
„Има многу коментари за нашите удари врз енергетската инфраструктура на соседната земја. Да, го правиме тоа. Но кој почна прв?“, рече Путин по церемонијата на доделување медали во Кремљ, наведувајќи го гранатирањето како одговор на експлозијата што го оштети мостот на Крим, изграден од Русија, и други напади што му се припишуваат на Киев. Тој, исто така, рече дека Киев ја исклучил електричната енергија на нуклеарната централа Курск, во рускиот регион што се граничи со Украина, и дека не го снабдува со вода упориштето на проруските сепаратисти Доњецк на истокот на земјата.
„Прекинувањето на водоснабдувањето на град со повеќе од милион жители е чин на геноцид“, рече Путин, обвинувајќи го Западот за „тотален молк“ по ова прашање.
„Тоа нема да нè попречи во исполнувањето на нашата борбена мисија“, додаде тој.
Погледнете како тоа изгледаше: