По брутално лошата година и промените во кината поради пандемијата, конечно живна американскиот бокс-офис. Здивнаа и холивудските филмски студија по одлуката во најголемите американски киносали целосно вакцинираните луѓе да не носат маски.
Како доказ за конечни позитивни промени е премиерата на пост-апокалиптичниот трилер „A Quiet Place 2“, продолжението заработи 48,3 милиони долари изминатиот викенд во Северна Америка. Само за споредба, првиот дел заработи 50 милиони долари на премиерата во 2018 година.
„Ова е одличен старт за продолжение на хорор филм“, смета Дејвид А. Грос од Franchise Entertainment Research, пренесе Variety.
Во второто продолжение ги гледаме Емили Блант, Милисент Симонд и Ноа Џап како семејство принудено да преживее во невозможни услови.
Викендов е карактеристичен по уште премиера, станува збор за филмот „Cruella“ со Ема Стоун, кој заработи 21,3 милиони долари на домашниот пазар. На меѓународно ниво, филмот заработи дополнителни 16.1 милион долари.
На третото место се најде „Spiral“ со 2,3 милиони долари, а по него следат Wrath of Man со 2,1 милион долари и Raya and the last Dragon со 1,9 милион долари.
