Начинот на живот и исхраната значително влијаат на тоа колку вашиот имунолошки систем може да ве заштити од болести и колку брзо се опоравувате.
Покрај спиењето, вежбањето и намалувањето на стресот, содржината на хранливи материи во храната што ја јадете може многу да влијае на тоа колку сте подготвени да се борите против болести.
„Вообичаената исхрана со овошје, зеленчук, цели зрна, протеини со малку маснотии, јаткасти плодови и семиња ќе го опреми вашиот имунолошки систем непречено за да ве заштитува кога ви е најпотребно“, вели нутриционистката д-р Марџи Сајдел.
Се разбира, има многу видови храна и пијалоци кои имаат многу мала хранлива вредност, а нивното прекумерно внесување е тесно поврзано со дебелината, дијабетесот и други хронични болести. Според Сајдел, овие намирници може да го загрозат вашиот имунолошки систем и неговата способност да ве одржува здрави.
Едноставно кажано, може да се разболите од лоши навики во исхраната и еве неколку работи што треба да се избегнуваат за да се подобри способноста на вашето тело да избегне болести и воспаленија:
„Газираните пијалоци засладени со шеќер не носат ништо друго освен празни калории“, објаснува Сајдел.
Покрај тоа што придонесува за дебелина и сродни хронични заболувања поврзани со попречен имунолошки систем, прекумерното внесување шеќер може исто така да ги влоши воспаленијата и да ја загрози можноста за борба против болеста.
Додадете ослабен имунолошки систем на долгиот список на причини за да го намалите внесот на алкохол.
„Прекумерното пиење може да доведе до намалување на способноста на вашето тело да се бори против болести, а исто така може да ве направи подложни на пневмонија и други белодробни состојби, побавно зараснување на раните и побавно закрепнување од болест“, вели Сајдел.
Ова првенствено се однесува на готови замрзнати оброци, бидејќи за разлика од брзо замрзнатиот зеленчук, тие не содржат речиси никакви хранливи материи, туку само празни калории. Иако во бурното модерно секојдневие сите почесто посегнуваме по вакви побрзи решенија, секогаш е поздраво да се испржи јајце отколку да се подготви готов замрзнат оброк во микробранова печка или рерна, објаснуваат експертите.
„Содржината на сол, шеќер, заситени масти и рафинирани јаглехидрати е висока, со малку хранливи материи и растителни влакна“, објаснува Сајдел.
Ова не е нуклеарна физика – јадењето непреработена, свежо приготвена храна ќе ви го зајакне имунитетот.