Вчера од Либан беше извршен опсежен напад врз Израел, кој во саботата беше гаѓан повеќе од 100 пати. Утринава продолжи ракетниот напад, а на северот од земјата се огласија сирени.
Повеќе од 130 ракети беа истрелани во северниот дел на Израел од Либан во саботата, при што сирените постојано се огласуваа и луѓето беа испратени во засолништа, соопшти израелската војска.
Во меѓувреме, 10 беспилотни летала го гаѓаа Израел - 6 од Либан, 3 од Ирак и еден чие потекло е нејасно. Армијата пресретнала 7 дронови.
Во ракетниот напад рано наутро во Централен Израел беа повредени 11 лица, откако една од трите ракети погоди куќа во Тир. ИДФ соопшти дека го истражува неуспехот да ја пресретне ракетата.
Ракетниот напад продолжи и утринава, со фокус на Галилеја, а сирените се огласија во областите на Акра и Хаифа и неколку околни заедници во близина на северната граница со Либан.
Утрово, според израелски информации, близу 10 ракети биле истрелани кон северот на Израел. Војската вели дека некои од нив биле пресретнати, додека други удриле на земја.
Според CNN, најмалку 60 луѓе биле повредени во нападите со дронови.
