Пет години по премиерното претставување, Range Rover Velar доби освежување. Редизајнираниот модел носи неколку промени во луксузно опремената и пространа внатрешност.
Range Rover Velar без сомнеж останува еден од најубавите SUV модели на денешнината. Каросеријата на редизајнираниот Velar ја красат нови предни и задни LED светла, а минимални промени се видливи на долниот дел на задниот браник и предната маска.
Меѓу новитетите во кабината се истакнува 11,4 инчниот дисплеј преку кој се управува со мултимедијалниот систем, кој ја замени претходната верзија составена од два дисплеи.
На купувачите им се нудат и три нови опции на боја на кожа во кабината, а тука се опциите за седишта обложени со волна и текстил. Каросеријата доби и две нови нијанси на сина и сива боја.
Редизајнираниот Velar за европскиот пазар има ознака P400e и го движи Plug-in хибридна погонска група која има дволитарски турбобензински мотор и електромотор кои комбинирано произведуваат нешто повеќе од 400 коњски сили и 640 Nm вртежен момент. Со унапредената батерија, Velar P400e без асистенцијата на моторот со внатрешно согорување може да помине до 65 километри.
Љубителите не дизел моторите можат да сметаат на Velar кој во послабата верзија има дволитарски мотор (D200), а во посилната трилитарски (D300) мотор, со осумстепен автоматски менувач со сите погонски опции.
