Netflix бележи пораст на бројот на нови корисници на платформата во третото тримесечје на годината благодарение на серијата „Squid Game“, пишува BBC.
Американската платформа доби 4,4 милиони корисници од јуни до крајот на септември што е двапати повеќе отколку во второто тримесечје на 2021 година.
Јужнокорејската хит серија во првите четири недели ја гледале 142 милиони домаќинства. Сериите коишто привлекуваат нови корисници се и „La Casa de Papel“, „Queen’s Gambit“ и „Sex Education“.
„Squid Game“ на Netflix му донесе заработка од околу 900 милиони долари, а во снимањето се вложени 21 милион долари. Netflix очекува дека во последните три месеци на 2021 година ќе добијат уште 8,5 милиони нови претплатници.