Реал Мадрид се обидува на секој начин да се раздели со еден од најплатените играчи во тимот Гарет Бејл, објави Marca.
Фудбалерот не е вклучен во плановите на тренерот Зинедин Зидан и тој самиот повеќе пати јасно стави до знаење дека не сака да даде сѐ од себе на теренот и е подготвен да седи на клупата за резерви до крајот на договорот.
Мадридскиот клуб покажа дека не бира мерки за да ја постигне целта, па дури и побара помош од агентот на Бејл, Џонатан Барнет, кој важи за еден од највлијателните фудбалски агенти.
Тековниот договор на Бејл истекува во летото 2022 година. Велшанецот се пресели во Реал од Тотенхем во 2013 година за рекордни 100 милиони евра во тоа време.
