Реал Мадрид доживеа неочекуван пораз на гостувањето на Белеарските Острови кај тимот на Мајорка.
Гостите од шпанската престолнина имаа негатива од 13-тата минута кога Начо Фернандес си постигна автогол.
Интересно, првото полувреме се заврши без удар во рамки на гол од страна на двата тима, нормално, постигнат автогол не влегува во оваа статистика.
Во 59. минута Реал доби удар од белата точка откако голманот Предраг Рајковиќ фаулираше во шестнаесетникот. Но, веднаш си ја поправи грешката бранејќи го ударот на Марко Асенсио.
До крајот Реал не успеа да постигне израмнувачки погодок и го претрпе третиот пораз сезонава.
Кралскиот клуб има 45 бодови, 5 помалку од лидерот Барселона која вечерва против Севиља може да ја зголеми предноста.
