Австралиската актерка ребел Вилсон откри дека била жртва на вооружено киднапирање во Африка. Таа и уште неколку нејзини пријатели биле киднапирани од група мажи и задржани во текот на целата ноќ.
„Тоа се случи во Мозамбик. Заедно со неколку пријатели се возевме во камион, а потоа до нас дојдоа луѓе со возило полно со оружје", изјави актерката за телевизијата Sky.
„Имаа големи пушки со кои ни се закануваа и нѐ однесоа во напуштена куќа. Сфатив дека навистина добро се справувам во кризни ситуации затоа што се однесував како некаков ‘воодач на тимот’. Предложив да се држиме за раце затоа што се плашев дека би можеле да му направат сѐ и сешто на некој од нас, ако успеат да го издвојат во текот на ноќта“, објасни таа.
Следното утро киднаперите ги ослободиле, а Вилсон смета дека киднаперите всушност го искористиле нивниот камион за шверц, па затоа морале да ги натераат да го напуштат возилото.
„Само што дојдоа следниот ден и рекоа дека можеме да одиме, и дека нашиот камион е подготвен. Неколку часа подоцна, веќе бевме надвор од Мозамбик. Најверојатно нè искористија за шверц на нелегална стока складирана на дното на камионот“, рече актерката.
