Едноставен чоколаден десерт со ореви.
Потребни состојки:
300 г путер
300 г шеќер во прав
6 јајца
200 г чоколадо за готвење
120 г брашно
2 пакетчиња ванилин шеќер
80-100 г ореви за наросување
Начин на подготовка:
Изматете путер и шеќер и мешајќи додавајте една по една жолчка, потоа рендано чоколадо, брашно, ванилин шеќер и на крајот цврст снег од белки.
Смесата сипете ја во тава обложена со хартија за печење и печете во рерна на 200 степени околу 10 минути, наросете со сечкани ореви и печете уште 30 до 40 минути.
Печениот колач извадете го од рерна, оставете да се излади и исечкајте го на коцки.
Ако сакате повеќе чоколадо, прелијте го испечениот колач со растопено чоколадо и наросете со потпечени ореви.