Фантастично јадење без месо, многу вкусно и лесно за подготовка.
Состојки:
10 - 12 канелони
1 јајце
250 гр сирење (рикота)
250 гр свежо кравјо сирење
150 гр спанаќ
3 чешниња лук
2 дл крем за готвење
100 гр пармезан
2-3 лажици маслиново масло
сол, бибер
Подготовка:
Канелоните се варат во солена вода околу две минути, само малку да омекнат Извадете ги и оставете ги на страна.
Спанаќот ситно исечкајте го.
Јајцето изматете го во сад со малку сол и бибер, па додајте го свежото кравјо сирење, рикота, половина од пармезанот, лукот, сечканиот спанаќ и маслиновото масло и сето убаво измешајте го.
Наполнете ги канелоните со добиената смеса и наредете ги во подмачкан огноотпорен сад.
Во сад измешајте го кремот за готвење со остатокот од пармезанот, па прелијте ги канелоните.
Се пече на 200 степени Целзиусови околу 35 минути.
За филот наместо спанаќ, по желба можете да користите блитва.