Пилешкиот џигер во кремаст сос е одличен ручек со кој можете да послужите освежителна салата по ваш избор.
Потребни состојки:
- 800 гр пилешки џигер
- 300 гр кромид
- 2 чешниња лук
- 400 гр павлака
- 2 лажички сенф
- 30 гр путер
- сол по вкус
- бибер по вкус
- ½ лажичка суво оригано
- ⅓ лажичка сушен босилек
- ⅓ лажичка сушена мајчина душица
Подготовка:
Пилешкиот џигер исечете го на половини, отстранете ги вените и фрагментите од зелено-жолта боја за да не биде горчлив. Кромидот исечкајте го на половина прстени. Џигерот добро исушете го со хартиени крпи и исечкајте го на парчиња. Загрејте ја тавата со путерот, додадете го кромидот и пропржете на средна топлина 5-7 минути. Кромидот турнете го на страните правејќи простор во средината на тавата. Пржете го џигерот по делови 5 минути на средна топлина, а не целото количество одеднаш бидејќи ќе се свари наместо да се испржи. Додадете сол и мелен црн пипер по вкус, толчен лук, сенф, оригано, босилок и мајчина душица. Промешајте и пржете 1 минута на средна топлина. Додадете ја киселата павлака, промешајте и динстајте на средна топлина 10 минути со повремено мешање.
Послужете го пилешки џигер топол, со одозгора посипан сечкан зелен зеленчук.
Пире од компири, тестенини или варен ориз се совршени за гарнир, како и свежа салата по баш избор.
