Кескул е традиционален турски десерт за чија подготовка се потребни само 15 минути, а повеќето состојки ги имате дома.
Постојат неколку варијации на овој кремаст млечен десерт, а овде зборуваме за рецепт кој содржи кокос.
Потрени состојки:
(за 4 порции)
- 600 мл млеко
- 50 гр брашно
- 50 гр шеќер
- 3 кесички ванилин шеќер
- 50 гр кокос
- 2 жолчки
- 30 гр путер
за декорација:
- ф'стаци
- бадеми
- или кокос
Подготовка:
Во тенџере сипете 400 милилитри млеко, додадете ги двата вида шеќер и кокосот, па оставете да се вари на тивок оган додека не зоврие. Во сад истурете го остатокот од млекото и додадете ги жолчката и брашното.
Матете додека не добиете изедначена смеса без грутки, па истурете ја во тенџерето во кое се варат млекото, шеќерот и кокосот. Цело време матете со жица за матење. Гответе неколку минути додека не се згусне, па тргнете го од шпорет и веднаш додадете го путерот кој треба да се измати додека не се растопи.
Топлата смеса поделете ја во 4 помали чинии, покријте ја со најлонска фолија и оставете ја првично да се излади на собна температура. После тоа, ставете го десертот во фрижидер да се стегне. Кога служите, можете да декорирате со кокос, бадеми или мелени ф'стаци.
