Рецепти

Рецепт за лесна вечера: Запечен карфиол со пармезан

18. септември 2019 - 17:55 | М.С.

Ако не сте љубител на зеленчукот, со овој рецепт ќе го засакате. Потребно ви е само половина час за да го подготвите.

Состојки:

Една главица карфиол исчистена и поделена на парчиња

Половина главица кромид, исецкан на тенки кришки

Три чешниња лук

Две лажици маслиново масло

Пола лажичка сол

30 гр. рендан пармезан

Начин на подготовка:

Рерната загрејте ја на 220 степени, а во тавата ставете хартија за печење. Наредете го карфиолот, кромидот, лукот и полијте ги со маслиново масло. Додајте сол и бибер по вкус и наросете со рендан пармезан.

Печете околу 20-25 минути додека карфиолот да омекне.

Коментирај