Домашниот тартар сос можете да го направите брзо и лесно и ќе ги воодушевите гостите, бидејќи има подобар вкус од оној купен во продавница.
Тартар сосот потекнува од Франција во XIX век како додаток на традиционалниот француски тартарски бифтек, чие име доаѓа од туркискиот народ Татари од Централна Азија, иако никогаш не бил дел од нивната кујна.
Потребни состојки:
- 120 гр мајонез
- 1 кисела краставичка
- 1 лажица свеж сок од лимон
- 1 лажица капери
- 1 лажица свеж копар
- 1 лажичка ворчестер сос
- ½ лажичка сенф
- сол
- бибер
Подготовка:
Пред да почнете со комбинирање на состојките треба кисела краставичка ситно да ја исечкате, да ги исечкате каперите, како и свежиот копар. Доколку немате свеж копар може да користите и сув.
Во мал сад измешајте мајонез, кисели краставички, сок од лимон, капери, копар, ворчестер сос и сенф и мешајте додека убаво не се соединат.
Зачинете со прстофат сол и бибер. Потоа прилагодете го вкусот со додавање плус сок од лимон. За најдобар вкус, покријте го садот со тартар сосот и ставете го во фрижидер најмалку 30 минути.
За понатамошна консумација чувајте го цврсто покриен во фрижидер најмногу една недела.
