Направете необични пролетни ролнички. Наполнете ги со пилешко и зеленчук во слатко-кисел сос, а потоа намотајте ги во трик состојка.
Дали знаете дека листовите од цвекло може да ги искористите во кујната? Повеќе не морате да ги фрлате, од нив можете да направите разни работи, како на пример салати, ролнички, фил за пита, азиски кнедли... Примената на овие листови во кулинарството е широка, а наш денешен предлог се пролетни ролнички. Наполнете ги со бело месо, морков и краставици во слатко-кисел сос. Исто така, можете да додадете пиперка или некој друг зеленчук по ваша желба.
Потребни состојки:
- 1 морков
- 1 лажица соја сос
- ½ лажица оцет
- ½ лажичка сол
- 1 лажичка шеќер
- 1 чешне лук
- прстофат мелен коријандер
- 1 пилешко филе
- 1 краставица
Подготовка:
Исечкајте го морковот на тенки ленти, па ставете го во тавче за пржење. Сипајте соја сос, оцет, шеќер, толчен лук и коријандер. Промешајте, па пропржете на малку масло. Извадете го морковот и во истото тавче пропржете го белото месо исечкано на тенки ленти. Листовите цвекло исчистете ги, па кратко бланширајте ги во зовриена вода. На секој лист ставете месо, морков и краставица исечкана на тенки ленти. Ролајте и послужете.