Според најновите податоци, во изминативе 24 часа во соседна Србија се регистрирани 4.994 нови случаи на коронавирус.
Во изминатото деноноќие се тестирани 17.645 лица, а 24 пациенти со COVID-19 починале. Во моментов низ Србија има 179 пациенти на апарати за дишење.
Од првиот случај во Србија, кој беше регистриран на 6 март, регистрирани се вкупно 92.375 случаи, а 1.054 лица починаа како резултат на коронавирусот во Србија.
Екипите на Брза помош во Белград синоќа имаа двојно поголем обем на работа поради зголемениот број на лица заразени со коронавирус.
Членот на кризниот штаб и епидемиологот Предраг Кон вели дека кривата се очекуваше да се израмни барем во Белград оваа недела, но дека тој сега не може да го тврди тоа. Белград е апсолутно најголемо жариште и така е од самиот почеток, рече тој, но исто така истакна дека е реално и да има прелевање кон другите градови.