Луѓето кои редовно вежбаат како резултат имаат тонирани тела, но и поголема самодоверба која помага на сексуалниот живот, велат научниците.
Кај мажите, интензивното вежбање може да ja зголеми секрецијата на хормонот тестостерон, зголемување на сексуалната желба и потребата за задоволство.
„Здравите мажи и жени имаат подобра сексуална функција“, рече д-р Лорен Стрихер, директорка на Центарот за сексуална медицина.
Аеробикот е особено добро за подобрување на кардиоваскуларната кондиција, што го промовира протокот на крв низ целото тело, вклучувајќи го и пределот на гениталиите.
„Колку е подобар протокот на крвта, толку подобра ќе биде вашата возбуда", рече сексуалниот терапевт и воспитувач, Лора Берман.
Кај жените, протокот на крв е клучен, објасни Берман, затоа што подобар проток на крв помага при оргазам кај жените, како и ерекција кај мажите.
Колку вежбање е потребно за да бидете здрави?
Центрите за контрола и превенција на болести препорачуваат минимум 150 минути умерен интензитет или 75 минути енергична физичка активност секоја недела. Брзито одење или возење велосипед се два примери на умерено вежбање, а може да тренирате фудбал, кошарка или ракомет.
Нова студија објавена во августскиот број на списанието „Сексуална медицина“ сугерира дека поинтензивното вежбање може дополнително да ги подобри сексуалните активности, истрајноста и желбата за водење љубов.
