Министерот за внатрешни работи, Наќе Чулев, излезе со статистичките податоци во однос на казните за непочитување на мерките во изминатите 24 часа.
Од страна на полициските службеници досега констатирани се вкупно 18.197 прекршоци за неносење лична заштита на лицето од кои 659 прекршоци во изминатото деноноќие.
Во координација со Државниот пазарен инспекторат во текот на изминатото деноноќие извршени се 327 контроли во објекти при што евидентиран e 1 објект коj не ги почитувал одлуките на владата.
На територијата на целата држава на вкупно 366 лица им се издадени решенија за изолација, а 261 лица потпишале изјави за самоизолација. Извршени се контроли кај лица во изолација и самоизолација при што евидентирано е 1 лице кои не ги почитувало овие мерки.
Во државен карантин се спроведени вкупно 152 лица.
„Во оваа прилика уште еднаш апелирам до сите граѓани да ги почитуваат мерките за заштита од коронавирусот и сите заеднички да придонесеме што побрзо животот да биде вратен во нормала“, вели Чулев.