Никој не сака вебстраници и услуги со реклами, а рекламирањето во Gmail беше релативно незабележливо низ годините.
Меѓутоа, неодамна тоа се промени кај некои корисници. Сега, кога ќе ја отворите апликацијата Gmail на вашиот телефон, најверојатно ќе видите неколку реклами на врвот на табот Updates на вашето сандаче, со таб што открива дека станува збор за реклама, но инаку изгледа како обична е-пошта.
Тие се само две реклами и се чини дека не се прикажуваат во главниот приказ на Inbox во моментов, но тие се таму. На десктоп, сепак, работите изгледаат полошо.
Сега, според онлајн извештаите, наместо Google да прикажува само две реклами на врвот, има поинвазивен пристап - има повеќе од две реклами и тие се расфрлани низ вашето сандаче, наместо постојано да се прикажуваат на врвот.
Ова сè уште не се појавува за сите - но не е пријатно искуство, пишува PC Press.
Ако сте корисник на Gmail и почнете да гледате повеќе реклами во следните неколку дена, не сте сами.
