Пред повеќе од половина милениум на островот Готланд бил извршен масакр од страна на странски платеници над локалното население. Еден од жителите претрпел сериозни повреди на главата, поради што научниците одлучиле да направат реконструкција на неговиот изглед.
За време на 1361 година на шведскиот остров Готланд се водела борба помеѓу над 2.500 дански платеници и 2.000 слабо вооружени селани од кои третина биле малолетни или спаѓале во групата на постари мажи. Во масакрот убиени биле околу 1.800 бранители, а помеѓу нив се нашол и борец кој според антрополошките анализи на черепот устата му била разбиена со секира, додека коските над окото и јаболчницата од левата страна му биле смачкани со мотика.
По битката, граѓаните на Висби - главниот град на островот - се предале за да избегнат понатамошно крвопролевање. На кралот Валдемар IV морале да му платат отштета, а тој островот го присвоил и го прогласил за дел од своето кралство. Сѐ до договорот од 1645 година во Бромсебо, и Данска и Шведска го сметале островот за свој. Денес се наоѓа во Шведска и е најголем шведски остров. На почетокот од XX биле откопани пет масовни гробници во кои биле пронајдени масакрирани скелети.
Специфичното откритие на селанец со разбиена глава ги заинтересирало експертите по графика, поради што посакале да го реконструираат неговиот изглед. Но, бидејќи самиот череп не давал доволно податоци на чија основа би го одредиле неговиот изглед - некои параметри ги направиле според статистичките податоци. На крајот добиле многу веројатен изглед на борецот во времето на неговата смрт, со тоа што сѐ уште е нејасно дали ударот со секира во главата бил фатален.
Експертот за графика, Бразилецот Сисеру Морајс, кој бил вклучен во целокупниот процес на реконструкција, објаснува дека за него овој потфат претставувал оживување на суровото минато и реконструкција на една бруталност.
„Денес во светот се бодат борби на неколку места, а повеќето од тие сцени ги набљудуваме од далечина, не ни претпоставувајќи што се случува со борците. Замислете само како им е на тие што се изложени на такво насилство“.
