Сојузната австралиска држава Викторија денеска објави дека е забележан рекорден број на заразени со коронавирус и предупредија дека ќе ги продолжат рестриктивните мерки доколку луѓето кои не се чувствуваат добро продолжат да одат на работа, пишува Reuters.
Втората најголема држава во Австралија пријави 532 случаи на заразени со коронавирус, со што денешната бројка на заразени е 549, што е рекорден број од почетокот на пандемијата.
Во Викторија има повеќе од 4.500 активни случаи на заразени со COVID-19. Починаа 6 лица, a вкупниот број на починати се искачи на 77.
Жителите на Мелбурн имаат дозвола само да одат на работа, во маркет, да одат на тренинг или на лекар.
