Рекордна ноќ на Јокиќ, подели 19 асистенции за победа на Денвер

Српскиот кошаркар продолжи со импресивните настапи во НБА и ноќеска постави уште еден личен рекорд, овој пат по бројот на асистенции во еден натпревар.

Никола Јокиќ и неговиот Денвер Нагетс без поголеми проблеми ја прославија победата над Индијана Пејсерс 125:116. Денвер долго време имаше големо водство, Индијана во еден момент успеа да намали до еден поен, но победата на Нагетс сепак никогаш не беше доведена во прашање.

Српскиот центар имаше нешто помала минутажа кон крајот на натпреварот, но сепак успеа да направи историски учинок.

Имено, Јокиќ забележа 19 асистенции, што е негов рекорд во кариерата. Тој дури и подели повеќе асистенции отколку што постигна поени (18), а еден скок го делеше од нов трипл-дабл.

НБА ги објави снимките од сите 19 асистенции од овој дуел, додека Денвер даде голема најава за Никола Јокиќ - прием во Куќата на славните на НБА, што сигурно ќе се случи еден ден.

Арон Гордон беше најефикасен кај победничкиот тим со 26 поени, а Мајлс Тарнер од Индијана постигна 23.

Резултати:

Детроит Пистонс - Лос Анџелес Клиперс 106:97
Индијана Пејсерс - Денвер Нагетс 116:125
Филаделфија 76ерс - Чикаго Булс 110:142
Вашингтон Визардс - Бруклин Нетс 107:99
Атланта Хокс - Мајами Хит 98:86
Оклахома Сити Тандер - Минесота Тимбервулвс 128:131
Јута Џез - Портланд Треил Блејзерс 112:114
Сакраменто Кингс - Шарлот Хорнетс 130:88

Табела: