Германскиот произведувач забележа раст на продажбата од 13% во првите три квартали на 2021 година.
Рекорден резултат во периодот јануари-септември за Porsche: во овој период произведувачот од Штутгарт на купувачите ширум светот им испорача 217.198 возила, со зголемување на продажбата од 13 отсто во однос на 2020 година.
Побарувањето порасна во сите држави, а особено во САД.
Најпродаваните модели се Porsche Cayenne со 64.451 испорачани примероци и Macan со 61.944 продадени автомобили.
Целосно електричниот модел Taycan е исто така популарен и на купувачите се испорачани 28.640 примероци.
За Porsche 718 Boxster и 718 Cayman се одлучија 15.916 купувачи, а моделот Panamera оствари продажба од 20.275 примероци.
Во САД продадоа вкупно 63.025 возила, 29% повеќе отколку во првите три квартали на 2020 година.
Во Германија побарувачката порасна за 9 проценти, со 19.099 примероци.