Во Полска денеска се регистрирани 1.002 нови слуичаи на COVID-19, што е најголема дневна бројка од почетокот на пандемијата, соопшти полското Министерство за здравство.
Рекордно високиот дневен биланс е забележан откако властите ги заострија условите според кои лекарите ги испраќаат пациентите на тестирање.
Критичарите на новите правила тврдат дека треба да се ограничи бројот на граѓани кои се тестираат на новиот коронавирус.
Полска пред три дена ги прекина воздушните врски со Франција поради пандемијата со новиот коронавирус.
Франција е на списокот на околу 30 земји со кои воздушните врски се веќе прекинати поради пандемијата.
Летовите се забранети до 29 септември, а дозволени беа само чартери што беа резервирани за 16 септември.
Во Полска досега се регистрирани најмалку 78.330 случаи на заразени со новиот коронавирус, од кои 63.861 оздравеле, а 2.282 починале.