Со влегувањето во сила на построгите стандарди за издувни гасови Еуро 7, многу бензински и дизел мотори ќе исчезнат.
Сите ние што ја следиме автомобилската индустрија или живееме со неа како возачи, ќе бидеме сведоци на големи промени во иднина.
Со строгата норма Еуро 7, многу бензински и дизел мотори ќе исчезнат во 2025 година, а Renault и неговиот директор Лука де Мео во интервју за Automotive News Europe најавуваат како ќе изгледа сето ова.
Неговата визија е да го рационализира бројот на мотори од осумте главни групи денес (четири бензински мотори, три дизели и еден електромотор), до вкупно четири - еден бензински и еден дизел, како и два електромотори.
Се подготвува нов бензински 1,2-литарски трицилиндричен мотор, додека дизелот ќе се користи за лесни комерцијални возила, а се подготвуваат и две нови електрични конфигурации.
Деновите кога би можеле да изберете помеѓу два, три, четири бензинци или два „дизелаши“ полека стануваат минато. Со примерот на францускиот гигант гледаме дека сето тоа ќе се намали.