Motorola на 5 август ќе претстави три нови смартфони, а нивниот изглед го открија новите рендери. Се работи за моделите Motorola Edge 20, Edge 20 Pro и Edge 20 Lite.
На рендерите се гледа дека сите три модели имаат три задни камери, но и поинаков дизајн и леќи.
Motorola Edge 20 Lite има поинаков модул со три кружни камери. Сензорот за отпечаток на прст е интегриран во копчето за отклучување на уредот.
Moto Edge 20 доби три задни камери и LED блиц.
Moto Edge 20 Pro е флегшип со перископска камера над двете камери – главната од 108 и ултрашироката камера.
Сите три уреди користат Android 11 и поддржуваат 30W брзо полнење. Задните панели се направени од пластика која изгледа како стакло, а Edge 20 Pro ќе има Blue Vegan Leather опција која ќе го олесни ракувањето со уредот.
