Mercedes конечно ја разреши најголемата дилема во светот на Формула 1 – Луис Хамилтон ќе продолжи да се натпреварува.
Британецот во драматична завршница мината година ја изгуби титулата од Макс Верстапен во Абу Даби, во контроверзна трка по што одлучи да замине на одмор. Не сакаше да открие дали тоа му беше последната трка во Формула 1.
Дури и Тото Волф, шеф на Ф1 тимот на Mercedes, изјави дека не може да гарантира дали Хамилтон ќе продолжи со натпреварувањата, но денес германскиот тим соопшти дека Хамилтон се врати.
„Добредојде назад, Луис Хамилтон“, гласи кратката и јасна порака објавена на Instagram.
Хамилтон на почетокот на 2021 година потпиша договор со Mercedes до крајот на 2023 година, па сигурно и оваа година ќе се обиде да дојде до рекордната осма шампионска титула.
