На натпреварот од ДФБ купот помеѓу Борусија и Санкт Паули норвешкиот напаѓач Ерлинг Холанд повторно беше во центарот на вниманието, но не поради добрата игра, туку поради мистериозната дамка што ја имаше на вратот и која не остана незабележана.
Фотографијата веднаш се рашири на социјалните мрежи, предизвикувајќи лавина коментари од неговите фанови, но и од навивачите на клубот од Дортмунд.
Тоа беше кружен црвеникав знак, за кој многумина се пошегуваа дека е „последица“ од дружењето со девојката, но сега е откриено дека норвешкиот напаѓач оваа недела го посетил својот приватен физиотерапевт Џон Хадад за да го помине истиот третман како францускиот напаѓач Карим Бензема.
Се работи за хиџама (al-hijamah), што е метод на лекување со ослободување крв од одредени места на телото и кој станува сѐ попопуларен меѓу врвните спортисти.
Феноменалниот Норвежанец блеска и оваа сезона: за Борусија постигна 22 гола на 19 натпревари во сите натпреварувања.