Група Руси од областа Омск во југозападна Русија јавно ги повикаа властите да им платат на оние кои се мобилизирани. Sky News наведува дека ова е ретко видео кое го покажува незадоволството на мобилизираните Руси.
Во видеото објавено од порталот SOTA, група мобилизирани мажи велат дека ги оставиле своите семејства дома за да се приклучат на мобилизацијата на Путин, која беше најавена минатиот месец.
Човек во воена униформа на видеото вели: „Имаме прашање. Прво - ќе има ли плати за оние што се мобилизирани? Зборувам за материјалната помош што им е потребна на нашите семејства, тие треба да јадат. Mоже да нè испратат одовде и не знаеме што ќе биде со нас. Тоа е нашето прво прашање бидејќи знаеме дека во другите региони им плаќаат на мобилизираните и сè е стабилно“.
„Се разбира, се надеваме на најдоброто и подготвени сме да одиме. Тука сме, поддржете нè нас и нашите семејства“, вели мобилизираниот Русин.