Секогаш кога има некој новитет од Zagato, тоа е причина за возбуда, а најновиот проект е показател за тоа што може да направи оваа компанија.
Zagato IsoRivolta GTZ е новиот проект на Zagato кој настана со цел да се прослави италијанско-американската соработка.
Спортското купе е инспирирано од моделот A3/C од 60-тите години на минатиот век, а тоа беше всушност тркачката верзија на моделот Zagato Grifo.
Концептот на автомобилот не е сменет, а од Zagato дизајнираа одлична каросерија, додека под хаубата се наоѓа голем американски мотор. Проектот беше најавен во 2017 година со концептот Vision Gran Turismo.
Баш како и неговиот претходник, IsoRivolta GTZ има Chevrolet 6,8-литарски V8 мотор со компресор, односно модифицирана верзија на моторот на Chevrolet Corvette Z06, а информациите за перформансите уште се тајна.
Засега не се познати многу детали, освен дека каросеријата е од карбонски влакна и дека ќе бидат произведени само 19 примероци, од кои девет веќе се продадени.
Сите детали ќе бидат познати во октомври, кога автомобилот ќе биде официјално претставен, а првите испораки се очекуваат подоцна. Цените исто така не се објавени.