„Резервен живот“ на Димковска во изборот 15 фантастични книги од Југоисточна Европа достапни на англиски

Александра Спасеска
/ 09.02.2022 / 13:39

Леа Рејчел фон Есен, автор на книжевната веб-страница Book Riot ја вброи книгата „Резервен живот“ на македонската писателка Лидија Димковска меѓу 15-те фантастични книги од Југоистоична Европа кои се достапни на англиски јазик.

Фон Есен вели дека ја користела дефиницијата за Југоисточна Европа како: Албанија, Босна и Херцеговина, Бугарија, Хрватска, Косово, Црна Гора, Северна Македонија, Романија, Србија, Молдавија и Словенија, обидувајќи се да вметне во изборот по барем еден автор од секоја од земјите.

„Многу од овие земји беа низ превирања во изминатиот век. По распадот на Југославија во 1991 година, беа исцртани нови граници и отцепувања, насилство и нови политички режими го преминаа регионот. Преминот во градење нација, во прашањата за јазикот и меморијата, во обидот да се најде смисла за насилството и политиката, предизвика нов притисок во националната литература, оживување што доведе до нови романи на хрватски, српски, романски, бугарски и многу други јазици“, пишува таа.

„Овие земји (од околу 12,5 милиони луѓе) се поврзани по регион, но тие се составени од огромен мозаик на култури, етникуми, јазици и, се разбира, литература. Сепак, многу од современите автори од овие земји остануваат релативно непознати, а премалку книги од регионот стигнаа до нас во превод на англиски јазик“, продолжува авторката на изборот.

Романот „Резервен живот“ е издаден од издавачката куќа „Или-или“ во 2012 година. Според тематиката, романот спаѓа во групата романи-хроники во кои се прикажува нечија животна биографија. За овој роман, Димковска ја доби наградата на Друштвото на писателите на Македонија „Стале Попов“ за најдобар роман, како и наградата на Европската унија за 2013 година. Романот е преведен уште и на словенечки, унгарски и бугарски јазик.

Во описот на романот преведен од Кристин Е. Крејмер, Фон Есен вели: „Злата и Сребра се сијамски близначки, поврзани кај главите. Нивниот живот во Скопје е често тежок - тие се третирани лошо, изолирани, а нивното семејство нема многу. Двете девојки имаат многу различни надежи за иднината, и двете често сонуваат за денот кога некако ќе ги најдат парите што би можеле да им овозможат операција за разделување. Колку повеќе растат, толку повеќе очајуваат од можноста - и кога Сребра ќе одлучи дека сака да се омажи, тоа ја загрозува нивната и онака кревка стабилност. Во оваа метафора за трансформацијата на Македонија, Димковска пишува долга, цврсто исткаена приказна за идентитетот и што значи да се има независност“.

Целосниот избор можете да го погледнете ТУКА.

реклама

Џамија во Берлин развеа знаме со виножито

Read more

За власта новиот предлог ги содржи сите наши барања и забелешки, опозицијата излегува на протест

Read more

НБА ѕвездата Бриџис брутално ја претепал сопругата

Read more

Што да правите ако ве касне змија?

Read more

Книги

Кое е најдоброто време за читање?

Read more

Годинашниот саем на книги во Скопје без ковид мерки, присутни над 60 издавачки куќи

Read more

Ана Јовковска ја промовира новата книга „Емотивен талог“

Read more

Катерина Гогова ќе ја промовира третата стихозбирка „Сонцестој“

Read more
 

Магазин

Најсмешниот виц во светот, научно докажано

Читај повеќе
Фото: Кајгана

Размислувате да земете кредит – каква каматна стапка да изберете: фиксна или променлива?

Читај повеќе

Зошто се враќаме здебелени од летен одмор?

Читај повеќе

Казни ако оставате предмети за да си чувате место на плажа во Пефкохори

Читај повеќе

Десет најчудни симптоми на бременост

Читај повеќе

Утрински секс: Зошто е уште подобар во лето?

Читај повеќе

Најчести митови за вежбањето во кои не треба да верувате

Читај повеќе

Kои комбинации на храна може да предизвикаат проблеми и болки во стомакот?

Читај повеќе

Три рецепти за домашни изотонични пијалаци

Читај повеќе