Младата тенисерка Јелена Рибакина синоќа го направи најголемиот успех во кариерата освојувајќи го Вимблдон, а по финалето новинарите ѝ направија непријатни сцени на прес-конференцијата.
Годинешниот Вимблдон тече без руски и белоруски натпреварувачи поради воената агресија врз Украина, но има тенисери од оваа земја кои настапуваат за други земји и со тоа можеа да настапат.
Токму ова е приказната за Јелена Андрејевна Рибакина, шокантната победничка на Вимблдон која е родена Русинка, но во меѓувреме реши да игра за Казахстан.
Млада московјанка на прес-конференција преживеа непријатни сцени откако новинар ја упорно ја прашуваше дали го осудува потегот на Владимир Путин, односно нападот врз Украина.
„Не разбрав дел од вашето прашање. Она што знам и можам да кажам е дека го претставувам Казахстан и не можев да изберам каде да се родам. Казахстан ме поддржа. Чувствував поддршка и не знам што да да ви кажам“, изјави младата тенисерка која до 19 години настапуваше под руско знаме.
Рибакина беше видно потресена од прашањето, а потоа се расплака додека зборуваше за своите родители.
Да потсетиме, Рибакина во големото финале одиграно синоќа ја совлада Тунижанката Онс Џабер со 2:1 и спречи за прв пат тенисерка од Африка да освои еден Грен слем. За денеска е закажан финалниот дуел во машка конкуренција меѓу Новак Ѓоковиќ и Ник Кирјос.
Интересно, претседателот на Тениската федерација на Русија, Шамил Тарпишев, го прослави освојувањето на Вимблдон затоа што Русинка под знамето на Казахстан победи на турнир на кој не им беше дозволен настап на претставници на оваа федерација.
„Одлично! Честитки Рибакина, го освоивме Вимблдон“, изјави Тарпишев за РИА Новости.
Рибакина не настапува за Казахстан за да ги избегне санкциите на руските спортиски. Таа уште многу пред санкциите го поромени својот спортски пасош, односно од 2018 година и тоа поради финансиски причини. Тогаш Казахстанската тениска федерација ѝ понуди финансиска поддршка доколку настапува под казахстанско знаме, а за тоа колку добра била таа поддршка говори и фактот што Рибакина одби да игра колеџ тенис во САД.
