Јапонската компанија Obayashi Corporation тестира нов систем со кој сака да го надополни недостатокот на работна сила.
Новиот систем подразбира користење роботи кои помагаат во изградба на бетонска брана во Јапонија, земја која се соочува со стареење и недостаток на работна сила. Затоа, користењето роботи помага во надминувањето на проблемот. Рокот за изградба на браната е март, 2023 година.
Obayashi Corporation разви автоматизирана опрема која реди слоеви бетон за формирање брани. Браната ќе биде висока 84 метри и широка 334 метри.
За да дојде до последната фаза на изградба, голема количина бетон мора да биде употребена во формирање на телото на браната. Тој дел се гради во слоеви, а Obayashi Corporation тој процес благодарение на својот систем може да го контролира со помош на компјутер од канцеларија.
Сепак, луѓето сè уште се неопходни во изградбата за да тече работата како што треба. Со користењето на автоматизирани роботски системи продуктивноста е зголемена за 10 проценти, а тој процент со текот на времето може да се зголеми на 30 проценти.
Околу 35 проценти од јапонските градежни работници се постари од 55 години.