Во светот на гејмингот, вообичаено е игриците да го следат трендот и да воведат battle royal режим, а популарната игра „Rocket League“ одлучи да го следи токму тој пат.
Се работи за нов режим на игра наречен Knockout Bash, кој ќе биде достапен од 27 април. Во игрицата, осум играчи ќе се борат за опстанок, а режимот ќе има карактеристики на типичен battle royal. Наместо бескраен respawn, играчите имаат право на три нокаути пред да заврши играта. Исто така, дел од играта ќе биде и опасна зона која се намалува во арената.
„Rocket League“ ќе додаде нови и ќе ги подобри постоечките функции за да го подобри чувството за „деструктивно дерби“ на Knockout Bash. Играчите ќе можат да ги „грабат“ противниците и да ги фрлат во опасност. Двојните скокови ќе станат тројни и играчите ќе летаат уште повисоко и дополнително ќе ги одвратат противниците. Навремените блокади ќе ги одбијат тие напади, а играчите ќе можат да избегнат напади четири пати во воздухот пред да се ресетира опцијата. Ако играчот биде исфрлен од арената, ќе има само неколку секунди да се врати во безбедната зона пред да биде нокаутиран.
Knockout Bash започнува на 27 април и ќе трае до 10 мај.