Славниот музичар Род Стујарт одби да замине за Катар, иако му понудиле над милион долари за да настапи на Светското првенство. Во разговор за Sunday Times зборуваше за претстојното првенство и порача дека не е прифатливо да замине во таа земја.
„Пред 15 месеци ми беа понудени многу пари, над милиони долари, за да настапам таму. Ги одбив. Не е во ред да се оди таму. И Иранците треба да ги исклучиме од сè, поради снабдување со оружје“, истакна 77-годишниот музичар.
Коментарите на Стујарт следат по критиките за Дејвид Бекам, кој наводно ќе биде платен со 10 милиони фунти за да биде амбасадор на таа земја.
Претходно, беше објавено дека во Катар ќе настапи и Шакира.
Фудбалерот е жестоко критикуван поради прифаќањето пари од земја во која хомосексуалноста е незаконита, со оглед на тоа што претходно беше сметан за голем сојузник на ЛГБТ заедницата. Многу обожаватели на фудбалот се двоумат околу заминувањето на СП, кое почнува на 20 ноември, а некои се плашат за личната безбедност додека бидат во Доха.
На критики наиде и Роби Вилијам, кој планира да се појави во Катар овој декември.
СП ќе се одржи во Катар од 20 ноември до 18 декември. ФИФА упати апел до учесниците да се фокусираат на фудбалот, а не на политички теми.