Група родители во Хрватска почнаа кампања против физичко присуство на децата на училиште, во услови на влошена епидемиолошка состојба во државата.
Тие побараа да им се даде можност да одлучат дали ќе ги пуштат своите деца да одат на училиште.
Министерството за наука и образование ќе инсистира на тоа наставата во училиштата да се одвива нормално од 7 септември, освен ако до следната недела растот на новозаразени со коронавирусот не е толку голем, па да се доведе во прашање таквата одлука, велат од ресорното министерство.
Сепак, како што пишува Нови лист од Ријека, билансот од 180 новозаразени лица во Хрватска не оди во прилог на Министерството.
Родителите кои не сакаат нивните деца да одат на часови во вакви услови, се организирале на Facebook како група под име „Безбедност пред сѐ, можност за избор на часови преку интернет 2020/21“.
Тие практично вршат притисок врз Министерството самите да одлучат дали да ги остават своите деца да одат на училиште или децата да ги следат лекциите преку интернет од нивните домови.
Групата на социјалните мрежи е основана, како што е објаснето, затоа што некои родители не сакаат некој друг да одлучи за безбедноста и здравјето на нивните деца.
„Ние веруваме дека спасувањето на нашата економска состојба не смее да биде приоритет над здравјето на нашите деца и нивните членови на семејството“, објаснуваат родителите од групата што е основана на 8 август и веќе има над илјада членови.
Ministru Fuchsu napisali su pismo na pet stranica
Posted by srednja.hr on Tuesday, August 11, 2020
