Поранешниот бразилски витуоз смета дека неговиот некогашен соиграч од Барселона едноставно мора да остане во клубот до пензионирањето.
Роналдињо мина пет сезони во каталонскиот гигант и тоа во пикот на неговата кариера, од 2003 до 2008 година. Тогаш младиот Меси веќе беше во Барселона играјќи за вториот и третиот тим, а од сезоната 2004/05 почна да добива шанса и крај Роналдињо со кого потоа играше до заминувањето на Бразилецот.
Меси и Роналдињо ја предводеа Барса до две титули во Примера, два шпански Суперкупа и една Лига на шампиони.
„Мора да остане, тој е историја на Барса. Кога Меси ќе се пензионира, што се надевам дека ќе се случи за долго време, ќе ја остави десетката и никој нема да може да ја допре“, рече Роналдињо говорејќи за TuttoMercato.
Токму десетката пред Меси ја носеше Роналдињо, кој потоа му ја предаде кога летото 2008 замина во Милан.
Откако договорот со Барса му истече и на 1 јули стана слободен играч, две недели подоцна Меси потпиша нов петгодишен договор и тоа прифаќајќи 50% намалување на платата, поради финансиските проблеми кои владеат во каталонскиот клуб.