Надежите на Кристијано Роналдо да заврши како најдобар стрелец во Европа вчера беа срушени, откако Португалецот не успеа да постигне ниту еден гол во поразот на неговиот Јувентус од Каљари.
Роналдо има постигнато неверојатни 31 гол во Серија А сезонава, но синоќа сигурно беше исфрустриран.
Домаќините победија со 2:0, па сега Роналдо заостанува со четири гола зад напаѓачот на Лацио Чиро Имобиле за европската награда Златна копачка. Јувентус в недела игра против Рома, но шансите Роналдо да постигне 4+ гола се многу мали.
Имобиле го постигна 35-тиот гол сезонава во вчерашната победа на Лацио над Бреша од 2:0. Со тоа стана првиот Италијанец со 35 постигнати гола во сезона во Серија А.
Со еден преостанат натпревар во сезоната во Серија А, Имобиле е сигурен лидер на листата најдобри стрелци во Европа. Неговиот последен гол го стави пред Роберт Левандовски од Баерн, кој ја заврши сезоната во Бундеслигата со 34 постигнати гола.
Имобиле е на гол од изедначување на рекордот во Серија А за најмногу постигнати голови во една сезона и можеби ќе успее да го направи тоа в недела против Наполи.
Аргентинецот Гонсало Игуаин постигна 36 голови за Наполи во сезоната 2015/16.