Кристијано Роналдо не е задоволен од работата на раководството на Манчестер Јунајтед.
Ливерпул го доведе Дарвин Нуњес, а Манчестер Сити Ерлинг Холанд, додека Френки де Јонг, Антони, Јуриен Тимбер и многу други играчи само се шпекулираат за доаѓање во Јунајтед.
Португалски Record објави дека Роналдо бил „фрустриран од недостатокот на амбиција во врска со трансферите“.Daily Mail пишува дека еден од најдобрите играчи во историјата му поставил ултиматум на раководството на клубот од Манчестер. Сака да види нови играчи или ќе си замине.
37-годишниот Роналдо минатата сезона постигна 24 гола на 39 настапи. Тој се врати во англискиот клуб минатата година по заминувањето во 2009 година со тогаш рекордниот трансфер од 94 милиони евра во Реал Мадрид.
