Понижувачкиот неделен пораз од Ливерпул го погоди и Кристијано Роналдо, кој испрати порака до навивачите на Манчестер Јунајтед.
Пукна петарда синоќа среде „Олд Трафорд“. „Црвените ѓаволи“ доживеаја вистинска бламажа од 0:5, а згора на сѐ поразот доаѓаат од лутиот ривал Ливерпул.
Роналдо ги одигра комплетните 90 минути, а сѐ што направи беше жолт картон за неспортски потег и поништен гол поради офсајд.
Во однос на дебаклот, Португалецот им се обрати на навивачите, кои масовно го напуштаа стадионот уште на околу 25 минути до крајот, веднаш откако Ливерпул погоди за 0:5.
„Понекогаш резултатот не е оној за кој се бориме. Понекогаш резултатот не е оној кој го сакаме. И тоа е поради нас, само поради нас, бидејќи нема никој друг за да се обвини. Нашите навивачи повторно беа неверојатни во нивната поддршка. Тие заслужуваат подобро од ова, многу подобро, а на нас е да им го овозможиме тоа. Времето е сега!“, напиша тој на својот Instagram профил.
Ливерпул канонадата ја почна уште во 5. минута преку Наби Кеита по асистенција на Мохамед Салах. Во 13-тата Диогу Жита дуплираше, а потоа Кеита му ја врати услугата на Салах за 0:3. Длабоко во судиското надополнување пред паузата Салах уште еднаш погоди, овој пат на асистенција на Жота. Пет минути во вториот дел Салах дојде и до хет-трик.
