Влезе во игра во вториот дел и веднаш го реши натпреварот, а Јувентус освои 3 бода на гостувањето кај Специја.
По карантинот поради тоа што беше позитивен на коронавирусот, Кристијано Роналдо денеска се врати на зелениот терен, а натпреварот го почна од клупата за резерви.
Јувентус поведе преку Алваро Мората во 14. минута, но домашните во 32. израмнија со голот на Томазо Победа.
Во 56. минута Роналдо влезе во игра на местото на Пауло Дибала и само три минути подоцна погоди за 1:2.
Адриен Рабјо во 67. минута зголеми на 1:3, а Роналдо во 76-тата од белата точка ги постави конечните 1:4.
Јуве сега има 12 бода, исто колку и Аталанта и барем до вечер ќе остане на второто место.