Предлог рецепт за телешко месо кој ќе ве воодушеви.
Доколку во вашиот дом сте љубители на телешко месо, тогаш овој рецепт е совршен за да пробате нешто ново. Меко и сочно, а доста едноставно за подготовка.
Потребни состојки:
- 500 гр телешко месо
- 2 лажици брашно
- 1 лажица путер
- маслиново масло
- 300 гр печурки (шампињони)
- 2 чешниња лук
- 1 лимон
- магдонос
- 1 дл бело вино
- сол
- бибер
Подготовка:
Исечкајте го телешкото месо на шницли, посолете, додајте бибер, посипете со брашно и пржете во мешавина од масло и путер додека убаво не зацрвени. Извадете го месото и додајте ги исечканите печурки и ситно исечканиот лук.
Кога печурките ќе омекнат, вратете го телешкото, исцедете сок од лимон во тавата и додадете го виното. Покријте и динстајте околу 5 минути, а потоа посипете со магдонос и сервирајте топло со прилог по ваш избор. Наша препорака е тоа да биде варен ориз.