Славниот голгетер на Манчестер Јуајтед смета дека доколку Јирген Клоп и во иднина го предводи Ливерпул, тогаш следува ера на доминација на „Црвените“.
„Составот на Ливерпул е млад и сите важни играчи се врзани со долги договори. Тие имаат огромен потенцијал за да освојуваат уште трофеи“, почнува Руни во интервју за The Times.
Вејн Руни никогаш не играше за Ливерпул, напротив, тој излезе од академијата на лутиот градски ривал Евертон, а потоа долги години тресеше мрежи носејќи го дресот на Манчестер Јунајтред, уште еден голем ривал.
„Клоп вели дека е невозможно за еден клуб да доминира онака како што тоа го правеше Јунајтед, но тој греши. Има едноставен начин за Ливерпул: оставете го Клоп да седи и седи. Јунајтед доминираше затоа што го оставија Ферги долго да остане. Мислам дека и Клоп, кој има 53 години, ако остане на „Енфилд“ во наредните 10 години, тогаш Ливерпул ќе освои барем уште 5 премиерлигашки титули“, смета Руни.
Манчестер долги години беше најдобар на Островот, но беше предводен од ист тренер, славниот Сер Алекс Фергусон. Токму на негово барање беше потпишан и Руни,
„Тој може да продолжи да го надоградува тимот затоа што играчите доаѓаат во одреден клуб за да работат со тренер добар како него. Од друга страна, играчите остануваат во клубовите токму заради тренерите. Доколку Клоп си замине, нема да биде чудно ако си заминат и Мохамед Салах, Садио Мане и Роберту Фирмину. Јас да сум еден од газдите на Ливерпул би направил сѐ што можам за да го зачувам долги години“, завршува 34-годишниот Руни кој сега настапува за второлигашот Дерби Каунти.
Вечерва од 20 часот Клоп и Ливерпул го играат градското Мерсисајд дерби со Евертон на гости.