Русија годинава забаележа раст на производството на природен гас за 2% во споредба со 2018 година, на 740 милијарди метри кубни, соопшти рускиот министер за енергетика Александер Новак.
„Благодарение на продолжената стабилна испорака на домашни и странски потрошувачи, производството на гас продолжува да расте“, рече Новак.
Тој додаде дека Русија остварува импресивен успех на пазарот за течен природен гас.
„Се надеваме дека до крајот на годината извозот ќе се зголеми за речиси 44% и дека ќе достигне околу 39 милијарди метри кубни“, додаде рускиот министер за енергетика.
Во 2018 година производството на природен гас во Русија се зголеми за рекордни 4,9 отсто во однос на 2017 година и достигна количина од 725 милијарди метри кубни. Во истиот период извозот се зголеми за 70% и достигна 26,7 милијарди метри кубни.
