Русија и САД ќе продолжат да работат заедно на Меѓународната вселенска станица (МВС) и по 2024 година, изјави вчера висок функционер на руската вселенска агенција Роскосмос.
Шефот на Роскосмос, Дмитриј Рогозин, во јуни рече дека Русија ќе се повлече од Меѓународната вселенска агенција во 2025 година, доколку Вашингтон не ги укине санкциите за вселенскиот сектор што го попречи лансирањето на руските сателити, пренесува Reuters.
Минатата недела, Русија го спои својот научен модул „Наука“ со Меѓународната вселенска станица, предизвикувајќи станицата на кратко да се помести од правецот на движење.
Во текот на инцидентот имаше и прекин на комуникацијата со екипажот којшто траеше неколку минути.
Модулот „Наука“ е долг 13 метри и тежок 20 тони, споен е со задната страна на Станицата.
